Concorso di poesia “Stella e Antonio Norbiato – Città di Spinea”. Poesia per sempre. Università popolare. Premiazioni 24 aprile 2010.

Tiolto al liogo

Sempre el megio,
svegio e presto,
bravo da tuto:
a ciapare i gransi,
a tagiare i pandoi
e i corni,
a trovare i vermi da togna
e po’ a scuola
a capire le parole strambe
a fare i conti e i probremi.
Cossi na mettina
go dito:
- Tanto i ta tiolto al liogo! -
E, co le legreme grose,
sentà in canton,
a pareva morto.

Robe rare

No i saveva cossa farme,
dirme,
darme,
portarme…
siti e tristi
come le tre comare
c’à levà el fio gobo.
Ma mi volevo
robe rare,
ormai desmentegà,
che no ghè siori che possa:
colombine pelae
col sale grosso,
‘mericana calda,
nasare i sugoli,
ficare el deo ‘n te la squela
e ciuciare pian pianin,
e po farme la boca
co la gurissia sul limon.